Papa Kehte Hain..!!!

Ek sapna hai mere papa ka,
     ke main kuchh aisa kar dikhau...
Mehnat karu, Aagey badu,
     Sansaar me apna naam kamaau...

Papa kehte hain mujhse aksar,
     beta, ye duniya hai bahut rangeen...
Jaisa karoge, waisa bharoge,
     duniya ka ye dastoor hai haseen...

Maine kaha apne papa se,

     ke dusri duniya se to main ru-b-ru nahi...

Maggar ek baat jaanta hu Papa,

     meri duniya to hai sirf aap me hi...

Papa kehte hain mujhse aksar,

      beta, mat sochna kabhi kisika bura...

Aggar shuru karo koi kaam tum,

      to na cchhodna usey adhoora...

Maine kaha apne papa se,

     kaam to mujhe kuchh aata nahi...

Maggar ek kaam jaanta hu Papa,

     khush rakhna hai hamesha aapko hi...

Papa kehte hain mujhse aksar,

      beta, tum insaan achhe bano...

Corruption ho ya ho Black Marketing,

      inn sab se tum dooor raho...

Maine kaha apne papa se,

      inn sabka to maine naam suna nahi...

Maggar ek baat jaanta hu Papa,

      jo kahenge aap, Karunga bas wahi...

Shaayad iss tarah main

      insaan achha na ban paau...

Maggar chahta to main bas yehi hu,

      ke beta main achha keh laau...

Ek sapna hai mere papa ka,

     ke main kuchh aisa kar dikhau...

Mehnat karu, Aagey badu,

     Sansaar me apna naam kamaau...

                                     ---- A. Prakash